"لاندسكيبيا بالعربي"
 |
| من نحن؟.. لاندسكيبيا بالعربي |
"بالعربي LANDSCAPIA" هي مدوّنة هندسية عربية بدأت في يوم 18 إبريل 2024، بعد سنين من الخبرة الواقعية.
فكرة المدوّنة......
الفكرة بدأت لما اكتشفنا فجوة كبيرة بين اللي بيتقال في الكتب… واللي بيحصل فعليًا في المواقع. والأصعب؟ إن معظم مشاكل اللاندسكيب بتتكرر بسبب نقص المعلومة وعدم تقدير أهمية التفاصيل الصغيرة اللي بتأثر على الجودة والاستدامة. ومن هنا اتولدت "لاندسكيبيا" علشان نوضح اللاندسكيب الحقيقي… بشكل بسيط، واقعي، وعملي.
إيه الجديد في لاندسكيبيا؟
الجديد إننا بنتكلم عن اللاندسكيب بعين مهندس مدني… واحد شاف الشبكات، المناسيب، الطبقات، الأعمال الخرسانية، الصرف، الأساسات… ومن هنا فهمنا إن: اللاندسكيب مش = زراعات وشجر.
- شبكات الصرف
- شبكات الري
- طبقات التربة والخرسانة
- الجدران الاستنادية
- أعمال البنية التحتية
- تفاصيل المواد المعمارية
- والطبع… الزراعة
المهندس مش مطلوب منه يكون مزارع… لكن لازم يفهم الحد الأدنى من احتياجات النبات لأنه كائن حي، ولو متطلباته مااتوفرتش… المشروع هيقع مهما كان التصميم جميل.
ليه لازم المهندس يفهم كل التخصصات؟
لأن المشروع الحقيقي بيتعمل بالتكامل… مش بالعشوائية.
مثال:
مشاريع مليانة مناسيب وانحدارات. هنا دور المدني والمعماري أساسي لضبط التدرجات، الصرف، وطبقات التربة اللي تخدم الزراعة.
مثال:
لاندسكيب على سقف جراج 1000 متر مع حمامات سباحة وصرف وعزل وزراعة. هل ده شغل زراعة بس؟ طبعًا لأ… ده شغل هندسي متكامل يعتمد على مدني + معماري + زراعة.
إحنا في لاندسكيبيا بنعمل إيه؟
- بنشرح المشاكل اللي بتحصل في المواقع بشكل بسيط وعملي.
- بنحلل السبب الحقيقي - مش بنخمن.
- بنقترح حلول من الخبرة الواقعية.
- وبعدين بنعرض أفضل الممارسات اللي شفناها في المشاريع الكبيرة.
- بنربط كل ده بالاستدامة… المشروع يعيش سنين بأقل صيانة.
باختصار
"لاندسكيبيا" هتفتحلك منظور أوسع وطريقة تفكير أعمق… هتخليك تشوف المشروع كله كمنظومة واحدة، مش مجرد بند منفصل.
إيه المطلوب منك كشريك في موقعنا؟
إحنا مش طالبين منك لايك ولا شير ولا كومنت… اللي محتاجينه أهم:
- قولنا إيه اللي ناقصك تعرفه.
- إيه اللي مش واضح وعايز توضيح أكتر.
- إيه الموضوع اللي بتدور عليه ومش لاقيه عندنا.
- إيه اللي تحب نكتبه في المقالات الجاية.
طرق التواصل......
شكرًا لكل حد بيسمع، بينقد، بيسأل، وبيشارك… وشكرًا إنك جزء من رحلة لاندسكيبيا.
لا يسمح بالتعليقات الجديدة.